EspazoFamiliaS

EspazoFamiliaS Boiro naceu no curso escolar 2018-2019 froito dun traballo ilusionante realizado nos centros de ensino deste Concello co obxectivo de dar resposta ás inquedanzas e dúbidas das familias do alumnado, creando momentos de reflexión e formación sobre temáticas que profesorado e familias consideramos de interese e necesidade segundo a nosa realidade diaria.

Chegan un ano máis as xornadas de EspazoFamilias organizadas polos centros educativos de Boiro, e que este ano levan por título: A Mellora da Comunicación Familiar.

Nesta cuarta andaina e atendidas as propostas de mellora recollidas en ediciones anteriores, este ano, a nosa intención é darlle voz ás familias e facilitar o diálogo entre os participantes.
Anabel Mosquera conducirá durante tres xornadas un tempo de conversa no que poder compartir inquedanzas, dúbidas e experiecias en torno a gran tarefa que temos como pais de escoitar aos nosos fillos e fillas e facermos escoitar.
Introdúcese tamén outra novidade que consideramos moi enriquecedora para a comunicación familiar, incluir á rapazada como parte fundamental destas xornadas. programando actividades paralelas, pero en torno ás mesmas temáticas, para todos os membros da unidade familiar.

As sesións estarán a cargo de:
Anabel Mosquera (pedagoga, formadora e experta en adiccións)
Nais, pais, titores e adultos a cargo de menores

Jaime Bello (Educador Social e coordinador do Proxecto Turbina)
Adolescentes a partir de 13 anos

Alba Pérez (Educadora Social e Directora do Proxecto EXERIA)
Rapaces e rapazas de 8 a 12 anos

As demáis actividades non precisan de reserva.
Datas: 22 marzo, 12 e 26 abril
Hora: 18.00h
Lugar: Centro Social de Boiro

Animámosvos a participar!!!

Como en eventos anteriores contaremos cun servizo de canguraxe para nenos e nenas de 3 a 7 anos, con reserva previa. Acción que poden realizar premendo no botón “Reserva” de cada un dos eventos.